पूर्वयुवराज पारसलाई १२ दिन थुन्न अदालतको आदेश

काठमाडौं,असोज २८ –पूर्वयुवराज पारस शाहलाई १२ दिनसम्म हिरासतमा राखेर अनुसन्धान प्रक्रिया अघि बढाउनका लागि थाई प्रहरीले त्यहाँको अदालतसमक्ष अनुमति लिएको छ । जसअनुसार प्रहरीले अनुसन्धान प्रक्रिया सकेपछि सुनुवाइका लागि जुनसुकै दिन अदालतमा पेस गर्न सक्ने थाइल्यान्डमा रहेका पारसका सहयोगीले सोमबार जानकारी दिएका छन् । पारसले पछिल्लो समयमा आफ्नो कानुनी कामकाज गर्न जिम्मा दिन छाडेको थाइल्यान्डका वकिल साक्छाइलाई पुनः लागूऔषध प्रयोग गरेको मुद्दाको जिम्मा दिएर लगिएको छ । हिजो बिहान कानुनी सल्लाहकार साक्छाइ र एक नेपाली सहयोगी लुङखाइ प्रहरी स्टेसनमा पुगेका छन् । लागू औषध कारोबारमा दोषी देखाइएका पारसको मुद्दा फितलो बनाएर छुटाउन थाइल्यान्डका वकिल र नेपाली लागि परेका छन् ।