काठमाडौं, बलिउड फिल्म ‘रागिनी एमएमएस 2′ बाट आफ्ना प्रशंसकहरूको मनोरञ्जन गरेपछि अब पूर्व पोर्नस्टार तथा बलिउड अभिनेत्री सनी लियोन आफ्नो नयाँ फिल्म ‘मस्तीजादे’ बाट डबल धमाका गर्न गैरहेकी छन । यस फिल्ममा तुषार कपूरले मुख्य भूमिका गर्ने भएका छन । बताइए अनुसार यस फिल्ममा सनी डबल रोलमा देखिने भएकी छन । तुषारले यस अघि पनि सेक्स कमेडी फिल्महरूमा काम गरिसकेका छन । यो फिल्म पनि एक सेक्स कमेडी श्रेणीमानै निर्माण हुने भएको छ ।
यस फिल्मको शूटिङ समेत शूरू भैसकेको छ । यस फिल्ममा सनी दोहोरो भूमिकामा लैला र लिली का रूपमा देखिने भएकी छन । यो फिल्मको निर्माण प्रितीश नन्दी कम्यूनिकेशनले गरिरहेको छ । बलिउडमा आफ्नो नयाँ करिअर शुरू गर्ने यी क्यानाडाली पोर्न स्टार सनीको दोहोरो भूमिका भएको यो पहिलो फिल्म हो । सन्नी लियोनले यस फिल्मका बारेमा आधिकारीक पुष्टि भने सोशियल नेटवर्किङ वेबसाइट ट्विटरमा गरेकी हुन । यस फिल्मका निर्देशन मिलाप जावेरी हुन । मिलापले यस अघि ‘एक भिलेन’ र ‘ग्रान्ड मस्ती’ फिल्महरूका पटकथा लेखिसकेका छन । डबल रोलमा देखिएर सनीले दर्शकहरूलाइ मजा पनि डबलनै दिने कुरा स्वयं निर्माताले पनि यस अघिनै बताइ सकेका छन ।
No comments:
Write comments