थाईल्याण्डमा पारसलाई प्रेमिकाले फसाएको खुलासा........

काठमाडौं । पुर्वयुवराज पारस शाह पक्राउको घटनामा उनकी थाई प्रेमिका कनिका चान्साईको भुमिका शंकास्पद देखिएको छ ।
आर्थिक लाभ लिने उद्देश्यले उनले पारसलाई योजनाबद्ध रुपमा फसाएको अनुमान गरिएको छ ।
थाइल्याण्डमा रहेका पारसका नेपाली साथीहरुका अनुसार पारसलाई पक्राउ गर्ने प्रहरी र कनिकाबीच चिनजान रहेको खुलेको छ ।

नोङ खाई प्रान्त स्थित कनिकाको घर नजिकैको गाउँबाट पारस बुधबार पक्राउ परेका थिए ।
‘होटलबाट पारस घुम्न निस्कीएपछि कनिकाकै सुचनाका आधारमा प्रहरीले पक्राउ गरेकोमा दुई मत छैन,’ पारसलाई सहयोग गर्दै आएका बैंककस्थित एक नेपालीले भने, ‘अरुबाट प्रहरीले सुराकी पाउने कुनै सम्भावना नै छैन ।’
चेकिङको क्रममा नभई सुराकीको आधारमा पछ्याएर पारसलाई स्थानीय प्रहरीले पक्राउ गरेको उनको दाबी छ । आजको नयाँ पत्रिकामा समाचार छ ।


http://www.nepalsandesh.com