आज २०७१ साल कार्तिक ११ गते मंगलबारको दैनिक राशिफल

मेष (चू चे चो ला ली लु ले लो अ)
उल्झन र झन्झटको सामना गर्नु पर्नेछ । हातमा आइसकेको धन गुम्न सक्ने तर्फ सजग हुनुपर्ला । सामाजिक प्रतिकारको सिकार हुनुपर्ला । अरुलाई गरेको गुनको बदला धोका पाउनु होला । मनमा अशान्ति हुनेछ । शारीरिक कष्ट हुनेछ ।
वृष (इ उ ए ‌ओ वा वी वु वे वो)
मानसिक विचलनले कार्य निर्णयमा समस्या आउने छ । कर्मक्षेत्रमा आएका विवादहरु अझ बढ्ने छन् । सार्थक परिणाम आउने बाटामा तगाराहरु आउलान् । भनाइ र गराईमा आएका खाडलले समस्या प्रदान गर्नेछ । सामाजिक कार्य फलदायी बन्ला ।

मिथुन (का कि कु घ ङ छ के को हा)
मानसिक चिन्ता बढ्ने छ । सानातिना कुरामा विवाद हुन सक्नेछ सावधान रहनु होला । विवादित भूमिको कारोवारमा समस्या थपिने छ । मेसिनरी बस्तुको घात रहला । स्वास्थ्य प्रतिकूल रहने देखिएको छ । समाजका मान्यजनबाट अन्याय होला ।

कर्कट (ही हु हे हो डा डि डु डे डो)
आर्थिक व्यय भार समाप्त भै आय आर्जनका अवसर हात पर्ने छन् । नोकरीमा पदोन्नती होला । पढाइ लेखाइमा रुची हुनेछ । नसोचेका व्यक्तिबाट सहयोग हुने समय छ । बोलीको कारण सम्मान मिल्नेछ । सामाजिक उत्तरदायित्व बोध हुनेछ ।

सिंह (मा मि मू मे मो टा टी टु टे)
मानसिक सोच कार्य रुपमा परिणत हुनेछ । सकारात्मक सोचले सफलता दिनेछ । आफन्तबाट उपयोगी सुझाव सल्लाह प्राप्त हुने छन् । अरुको दुःखमा दुःखी बनिने छ । भेटघाट, भलाकुसारीमा दिन बितेको थाहै हुने छैन । धार्मिक कार्यमा रुची हुनेछ ।

कन्या कन्या (टो प पी पु ष ण ठ पे मो)
लामो यात्रा फलदायी बन्ने देखिएको छ । नसोचेका कुरामा खर्च होला । मितेरी सम्बन्ध विकसित हुनेछ । ब्यापार सोचे जस्तै फलदायी होला । मनमा केही नयाँ गर्ने उत्कण्ठा जाग्ने छ । परीक्षा प्रतियोगितामा अनपेक्षित परिणाम हात पर्नेछ ।

तुला (र री रु रे रो ता ती तू ते)
आर्थिक व्यय भार बढ्ने छ । सामाजिक विसङ्गतिको कारण काम गर्न गाह्रो हुनेछ । व्यक्तिगत आशक्तिले जरा गाड्ने छ, आफूलाई सम्हाल्नु होला । अरुको काममा ब्यस्त रहे पनि जश नमिल्नु चिन्ताको बिषय बन्ने छ । रोजगारीका अवसर गुम्ने छन् ।

वृश्चिक (तो ना नी न‍ू ने नो या यि यु)
मनमा केही गर्ने आशा र भरोशा विकसित हुनेछ । सबैको सहयोगले आशातित सफलता हात पर्ने छ । सामाजिक प्रतिष्ठा मिल्ने छ । रोक्किएका काम बन्ने छन् । पारिवारिक झमेला अन्त्य भै सौहार्दपूर्ण वातावरण विकसित होला ।

धनु (य यो भा भी भू ध फा ढ भे)
बहुमूल्य बस्तु गुम्ने बेला छ, सावधान हुनु होला । काममा पछि बस्ने प्रवृतिका कारण प्रतिफल शुन्य हात लाग्ने छ । अरुका कुरालाई केयर नगर्दा गम्भिर परिणाम भोग्नु पर्ला । कार्यक्षेत्रमा असमझदारी हावी बन्ने छ । मिलन बिन्दु पहिल्याउनु जरुरी रहेको छ ।

मकर (जो जा जी खी खू खे खो गा गी)
आत्मबल उच्च रहने छ साथै निर्णायक भूमिकामा रहनु उपयुक्त हुनेछ । सोचेका काम बन्ने छन् । हित चिन्तकहरु बढ्ने छन् । तार्किक क्षमता प्रवल रहने छ । अलङ्कार आभूषण आदिको प्राप्ति योग रहेको छ । अभिभावकको कुरा माने सफल बनिने छ ।

कुम्भ (गू गे गो सा सी सु से सो द)
सामाजिक उत्तरदायित्व मिल्ने छ । पारिवारिक सुख मिल्ने छ । जग्गा जमिनको कारोवार गरे शिद्ध हुनेछ । तपाईका आलोचकहरु कमजोर हुने छन् । अरुको गरिमालाइ उच्च महत्व दिएबाट प्रतिष्ठा बढ्ने छ । अरुको भलाइमा समर्पित भइने छ ।

मीन (दि दू थ भ ञ दे दो चा ची)
सन्तानको मार्गबाट खुसियाली छाउने छ । सरकारी कार्यमा सफलता मिल्ने छ । आर्थिक बाटाहरु सम्वृद्ध हुने छन् । रोक्किएका काम बन्ने छन् । घरमा धार्मिक अनुष्ठानादि सम्पन्न हुने छन् । तपाईका हित चिन्तकहरु बढ्ने छन् । काममा जाँगर लाग्ने छ ।