१५ घन्टासम्म प्रहरी भोकभोकै : खाजा पनी पाएनन् सुरक्षाजवानहरूले

काठमाडौं । सार्क सुरक्षामा खटिएका प्रहरी भोकभोकै निरन्तर १५ घन्टासम्म ड्युटीमा खटीएका छन् । बिहान करिब ६ बजे खाना खाएर ड्युठीमा खटिएका प्रहरीलाई दिउँसो खाजा खाने व्यवस्थासमेत गरिएको थिएन ।

सुरक्षामा सडकमा परिचालन गरिएका कतिपय प्रहरी विहान करिब ६ बजेदेखि साँझ ९ बजेसम्म खटिएका थिए । लामो समय भोकभोकै ड्युटीमा खटिएकोमा उनीहरुको गुनासो थियो ।

महानगरिय प्रहरी परिसर काठमाडौंका प्रवक्ता दिनेश आचार्यले भने ड्युटीमा खटिएका प्रहरीलाई खाजा खाने व्यवस्था मिलाइएको बताए ।

‘केहिलाई दुई सिफ्टमा खटाएका थियौं, केहीले भने १२ घन्टासम्म ड्युटी गर्नुपरेको थियो ।’ उनले भने ।एजेन्सी