काठमाडौँ, १० मंसिर, राजधानीको पुरानो बसपार्कमा रहेको सिटी मार्केटमा सुरक्षाकर्मीले अचानक छापा मारेको छ । सार्क सम्मेलन स्थलको ठिक पछाडी रहेको सिटी मार्केटमा मंगलबार साँझ छापा मारिएको हो । मंसिर ७ गतेदेखि नै बन्द रहेको सिटी मार्केटमा आशंकाका आधारमा सर्च गरिएको प्रहरीले जनाएको छ । सुरक्षाको हवाला दिँदै ७ गतेदेखि बन्द गराइएको सिटी मार्केटमा सटर बन्द गरी मान्छे लुकेको भन्ने हल्लाको आधारमा नेपाली सेना, सशस्त्र प्रहरी, नेपाल प्रहरी सहितको संयुक्त टोलीले छापा मारेको हो ।
मार्केटका व्यवसायीहरु कतिपय टाढा घर गइ सकेकोले उनीहरुको पसलको ताला काट्दै सर्च गरिएको छ । नजिक हुने व्यवसायीले भने ताला खोली दिएका थिए । अधिकांश पसलका ताला काटेर पसल त्यतिकै छोडिएको छ । सार्क सम्मेलनको सुरक्षाको लागि भन्दै हप्ता दिनसम्म बन्द गराइएको मार्केटका व्यवसायी ताला काटेर छोडिएपछि थप पीडित बनेका छन् ।एजेन्सी
No comments:
Write comments