फेरी पोखिन् केकी अधिकारीले फेसबूकमा कारुणिक पिडा

३ मङ्सिर, काठमाडौं । बैंकले पिताको घर लिलामी गर्ने चेतावनी सहित सूचना निकालेपछि तनावमा रहेकी नेपाली चलचित्र क्षेत्रकी चर्चित अभिनेत्री केकी अधिकारीले आफ्नो मनको पीडा फेसबुकमा पोखेकी छिन् । केकीले समस्याले आफू विलचित नभएको भन्दै आफ्ना शुभचिन्तकहरुको मायाँ सँधै पाउने विश्वास ब्यक्त गरेकी छिन् ।

उनले फेसबुकेमा लेखेकी छिन 'जीवनमा आईपर्ने साना ठूला कठिनाईहरुले म र मेरो परिवारलाई कहिल्यै विचलित बनाउने छैन। मेरो स्थानमा अरू जो कोहि नै भएपनि, यस्तो परिस्थितिमा उक्त व्यक्तिले निर्वाह गर्ने भूमिका मेरो भन्दा भिन्न हुन्छ जस्तो पनि लाग्दैन। र जस्तोसुकै अवस्थामा पनि मेरो बुवा र आमा नै मेरो प्रेरणा का स्रोतहरु हुन्। रहनेछन्।'

त्यसैगरी उनले ' जीवनमा कमाएको सबैभन्दा मूल्यवान सम्पति नै तपाँईहरुको माया र आशीष हुन्। कलाकारको रुपमा यो भन्दा बढि अमूल्य अरु के नै हुनसक्छ र? तपाँईहरूको माया र आशीष सदैव कायम रहने छ भन्ने बिश्वास लिएकि छु।' समेत लेखेकी छिन् । मंगलबार मात्र सिभिल बैंकले मंगलबार एक दैनिक पत्रिकामा अधिकारी दम्पतिको घर लिलाम गर्ने चेतावनी सहित सूचना प्रकाशित गरेपछि उनीहरु संकटमा परेका हुन् । बैंकले उनीहरुलाई ३५ दिने भित्र ऋण चुक्ता गर्न समयसीमा दिँदै अन्यथा घर लिलामी गर्ने चेतावनी दिएको छ । बाबु आमाको नाममा रहेको उक्त ऋण लिने प्रक्रियामा केकी साक्षी बसेको पनि सूचनाबाट खुल्छ ।

www.nepaliheadlines.com/2014-11-19-12-23-33.html#sthash.JWFINJB5.dpuf